Kristni

Ég er ekki kristin manneskja í þeim skilningi að ég trúi því að Jesús sé sonur Guðs. Ég trúi aftur á móti á þá heimspeki og þá siðfræði sem Jesús boðaði. Þegar ég fermdist valdi ég mér vers úr Biblíunni til þess að fara eftir í lífinu. Ég valdi mér gullnu regluna: "Allt það sem þér viljið að aðrir menn gjöri yður, það skuluð þér og þeim gjöra." Pabbi minn sagði alltaf eitthvað á þá leið að það skipti ekki mestu máli að vera trúuð manneskja, heldur að vera góð manneskja. Og það vona ég að allir reyni að vera.