miðvikudagur, apríl 25, 2007

Í nafni trúarinnar

Hvernig haldið þið að lífið væri ef allir höguðu sér eins fáránlega og mennirnir í þessari frétt?

Ég yrði brjáluð að þurfa að sitja aftast í strætó, bara út af einhverri trúarskoðun. Síðan segir fólk að það sé komin 21. öldin!

Það er greinilegt að sumir búa ennþá á miðöldum.

föstudagur, apríl 13, 2007

Afmælispartý...

Rottumyndband fyrir kjallararotturnar

Rakst á þetta á CuteOverload, sem er snilldarsíða líka á svona dimmum og drungalegum dögum.

Kv.

Fræðakvöld Res Extensa 17. apríl

Res Extensa, félag um hug, heila og hátterni, býður alla velkomna á fyrsta fræðakvöld félagsins. Fræðakvöldið verður haldið þriðjudaginn 17. apríl á efri hæð Café Victor (Hafnarstræti 1-3), og hefst það kl. 20:00. Á fræðakvöldinu getur fólk hlýtt á áhugaverða fyrirlestra í afslappaðri stemmningu. Þeir sem vilja geta að sjálfsögðu keypt sér mat og drykk á Café Victor.

Fyrirlesarar að þessu sinni eru þau Karl Ægir Karlsson og Margrét Dóra Ragnarsdóttir. Karl Ægir er Ph.D. í hugrænum taugavísindum og atferlistaugavísindum (e. Cognitive and Behavioral Neuroscience), og er lektor við Háskólann í Reykjavík. Hann flytur fyrirlesturinn: "Er svefn nauðsynlegur?" Margrét Dóra er B.A. í sálfræði og M.Sc. í tölvunarfræði. Hún starfar sem nytsemisfræðingur og er aðjúnkt í tölvunarfræði við Háskóla Íslands. Fyrirlestur Margrétar Dóru nefnist: "Að vera notalegur: Hvað gera nytsemisfræðingar?"

Við vonumst til að sjá sem flesta á Café Victor næsta þriðjudag.

Reimar

Rakst á síðuna hans Reimars á Moggablogginu ef þið viljið kíkja.

fimmtudagur, apríl 12, 2007

Hálfvitar og aðrir hörmungaaðilar

Ég fékk ábendingu um að kíkja á þessa síðu.

Athyglisverðar setningar á síðunni eru t.d.:

"HIV er skaðlaus farþegavírus!" (ætli alnæmissjúklingar séu sammála?)

"Kvef, flensa, hiti eru afleiðing af skyndilegri eitrun úr umhverfinu þar sem hvítur sykur er algengasti sökudólgurinn." (Já, þess vegna geymi ég sykurkarið í skápnum með varúðarmerkingunni "Varúð, gæti valdið veikindum!")

Ég ráðlegg öllum sem hafa snefil af skynsemi og skopskyni að kíkja á þetta og endilega koma aftur hingað og ræða málið. Við höfum ekki haft almennilegar umræður hérna á síðunni í lengri tíma.

miðvikudagur, apríl 11, 2007

AMMLI AMMLI AMMLI

Kæru rottur.
Mér sýnist ekki ætla að verða af endurfundunum hjá Andra núna um helgina :(
En það þýðir ekki að helgin verði alslæm!!! Ég ætla nefnilega að halda upp á ammlið mitt á sunnudaginn og ykkur kæru rottur er boðið :)
Partýið byrjar kl. 16.00 og verður haldið hjá móður minni í Grafarvoginum (hún er með betri bökunaraðstæðu).
Það er í fínasta lagi að mæta þunnur og ógeðslegur, en sjaldan er eins gott að borða vöfflur og kökur og þegar maður er þunnur :)

Sjáumst á sunnudaginn.
Sigga

þriðjudagur, apríl 10, 2007

13th European Skeptics Congress 2007

Hélt kannski að rotturnar hefðu áhuga á þessu. Hinir rammkaþólsku írar eru gestgjafar ráðstefnu efasemdarmanna. Skemmtilega kaldhæðið. Held að þetta gæti orðið hreint ágætis afsökun fyrir hópferð til Írlands, ég skal vera fararstjóri!

föstudagur, apríl 06, 2007

Framskein, jaðarmarktekt og frontal

Þessi færsla er sett inn fyrir Andra Fannar þar sem hann er eitthvað tæknifatlaður, hehehe. ;-)


Ágætu rottur

Það eru margir mánuðir síðan ég skrifaði eitthvað á síðuna (æji eitthvað skemmtilegt...deilur, fatlaði satan, karlamál lilju, friðsöm móðir í breiðholti).

Það eru e-veginn eins og það séu tíu ár (eða e-ð af þeim toga)...

-síðan við Vaka vorum blindfull heima að drekka rauðvín, hlutsta á Led Zeppelin og flott rok (Ok, það var Sher*l Cr*w, álfurinn setta hana á, ) og elda stolnum kjúklingi (úr partýi hjá nemenda mínum - annað mál, Vaka, mannstu eftir self-efficacy lagið sem ég samdi um álfinn minn þegar við lærðum fyrir vinnusálfræði?) Og ætli myndalegi HAGFRÆÐINGURINN sé enn með pýramida Maslows í rassgatinu? Þú og Austuríski Beckham geta þakkað mér fyrir að þið séuð saman þar sem ég sá um að eyðileggja alla sénsa hjá.

- síðan maður kom með "djöfull tók ég stóran frontal, ég geri þetta aldrei aftur" sögu á hverjum mánudegi til Magga Blö, sem ráðlagði manni alltaf að gera það sem maður svo gerði ekki (Það er enn lengra síðan maður hefur séð Blöndahlin á Blöndahlnum...)

- síðan maður heyrði Jón Grétar tjá ást sína á mentalískri sálfræði (fyrirsögnin "rúnk" styrkti jákvæða hjartsláttarHEGÐÚÚÚN hjá mér)

-Síðan við Sigga var í bolnum með engum brjóstarhaldara heima í tvo daga þangað til frontalinn hann kjartan eyðilagði það með því að segja henni það

-Síðan við Heiða María unnum saman í rannsókn í félagslegri og þáttagreindum runkið okkar í 2 vikur án þess að fá nokkurn skapaða hlut (við redduðum því með aðhvarfsgreiningarlíkani sem hafði skýrða dreifingu upp á fylgi framsóknar (5%) og þúsund samvirknibreytum) Og rifumst allan tímann...

-Síðan við Baldur ræddum um intentionality. (Og hittum Ölfu, brandarinn - Alfa, ertu ekki áreiðanleg , var jafn fyndinn í 10 skiptið, í alvöru - við verðum að hringja í allar Ölfur og spyrja að þessu).

-Síðan að Lilja var með gaurnum sem sat í hugleiðslu í Animu-herbergi (og var DJ í ónefndri stúlku sem var ekki í ónefndum brjóstarhaldara) og ætlaði að gerast draugasálfræðingur.

-Síðan maður heyrði ýmislegt af hæðinni fyrir ofan (helvítis barþjónninn af Rauða ljóninu, svo hitti maður kvikindið daginn eftir í lyftunni, brosandi.) og Amma kvartaði undan látum þegar við vorum þrjú að læra fyrir klínuna.

-Síðan Boggi talaði við fólk um alvöru peyja og lundaveiðar á 19,3 glasi - og ætlaði bjóða manni með sér (klikkaði aldrei).

-Síðan FATLAÐI SATAN var íbyggið skákforrit (í Dennettískum skilningi)...Og það var kattarhland í konfektkassa sem helltist yfir allt gólfið og kattaskítur í rúminu (í viðbjóðslegum skilningi)

-Síðan Binni bauð mér Malibu í kók á árshátíðinni...Og benti á 2 lítra kók flösku í kennslutíma.

-Síðan Guðfinna slökkti alltaf á Fatty til að setja Britney Spears á (hvað var það?)

-Síðan Helga var þunglynd í prófunum (klikkaði aldrei, alltaf í prófunum)

-Síðan "þú stekkur ekki á mig og kyssir mig núna, kisi" (greimó...)

-Síðan Kjartan Smári fékk snípatuttan gullkjól og kollu - og var meiri leoncie en leoncie sjálf - að syngja í þætti hjá Dr. Fífli. Síðan fundurinn var um heiðursgestinn á árshátíðinni (dorritt)

-Síðan hugtökin: Snjalli Mongolíti, rjómaterta, frontal, ÁLFURINN, rúnk, mong, S-Delta (hver man ekki eftir henni) HEGÐÚÚÚN, HNEYYYYKSLI, skeina sér, Líður illa INNNN Í MÉÉÉR, Smá Bónus og framskein voru hluti af daglegum orðaforða.

-Síðan maður heyrði "hver kenndi þroskaheftum að reima skóna" ræðuna í 10 skiptið í sögunni (og Kjartan spurði, munið, í síðastu tímanum, "voru það húmanistar") Því fékk sá kennari réttilega nafnið Reimar.

Nú er það e-veginn þannig að maður er orðinn gamall og þarf að haga sér (og skeina sér). Maður hættur að geta sagt rúnk þegar fólk er að bullshita (rúnk er nú orðið "þetta er mjög áhugavert sjónarmið. Ég vil endilega heyra frá þér frekar um þetta við tækifæri ....). Nú getur maður ekki mætt þunnur eða fullur í vinnu (eða haft viskí í skápnum sínum). Maður er orðinn eins og viðskiptafræðingarnir með pýramída maslows í rassgatinu (eða þar um bil). Svona einskonar viðbjóður sem fer í vinnu í jakkafötum, kaupir sér jeppa, hlustar a fm og heldur að helstu heimspekilegar hugsanir allra tíma séu "hver vinnur x-factor?" "hvort kom á undan, hænan eða kjúklingabringa í Bónus?" "er homeblest virkilega jafngott báðu megin?"

Ágætu rottur. Það er einungis til ein lausn á þessu. Í apríl mun ég halda rottupartý. Það verður einungis rætt um sálfræði. Álfurinn verður á staðnum. Skilyrði að við verðum viðbjóðslega full og horfum á Dr. Fífl myndbandið. Allar rottur mæta.

Dagskrá:
1) Fordrykkur: Volgur Tuborg úr Animu Skápnum
2) Skemmtiatriði: Heiða María tekur atriðið "ég hef ekki lært neitt" fyrir utan prófstofu í lokaprófi. Vaka tekur "Catonic" dans með póstmódernísku ívafi.
3) Aðalréttur: Jumbó Samloka, með klesstum majones viðbjóði í miðjunni úr Kaffistofu odda eða "Stóri Snæðingur" með kjötfarsi, ónýtu káli og ókrydduðum frönskum úr BSÍ.
4) Skemmtiatriði: Jörgen Pind tekur lagið: "Sá-Sá-Sá-Sáli" (kjallara rem-ix með miðlægum loknefhljóðum, uþb 1500h)
5) Skemmtiatriði: "Villtu sjá outputið mitt?" Valin leikþáttur úr "Marktekt, hözzlaðferðir fyrir fyrsta árs nema".
6) Eftirréttur: Fyrrnefnd samloka hituð upp í örbylgjuofninum sem var "efni til frekari rannsókna: 9,5" í mannfræði.
7) Skemmtiatriði: Amma kvartar undan látum um 10:30.

Eigum við ekki að kýla á þetta?

þriðjudagur, apríl 03, 2007

TEDTalks

Frábær síða sem ég var að finna:
Each year, TED hosts some of the world's most fascinating people: Trusted voices and convention-breaking mavericks, icons and geniuses... Each week, we'll release a new talk, in audio and video, to download or watch online.