fimmtudagur, febrúar 24, 2005

Kynningarsíða fyrir skynjunarsálfræði

Jæja... Ég var að vesenast að þessu í alla nótt. Kemur allavega vel út í tölvunni minni (hef ekki prófað aðrar) en dísús, þetta átti ekki að taka svona langan tíma. Það er eins gott að þessi sálfræðikynning heppnist vel!

mánudagur, febrúar 21, 2005

Hugsanleg lækning við einhverfu?

Ég var að lesa tvær nýjar rannsóknir úr nature neuroscience og þær eru frekar áhugaverða. Það hefur verið vitað í nokkurn tíma að fólk með tvíhliða skemmd í möndlu (amygdala) er ófært um að dæma geðshræringar út frá andlitsviðbrögðum. Hins vegar (og þetta er í fyrsta skipti sem sýnt hefur verið fram á þetta) ef þessu fólki er sagt að horfa í augun á öðrum, þá getur það borið kennsl á geðshræringar.

Það er því hugsanelgt að ein megin ástæða fyrir því að einhverf börn sjái ekki hvernig öðrum "líður" er vegna þess að þau horfa ekki á rétta staði á andlitinu (augun er best upp á að dæma gleði og ótta) og því hugsanlegt að hægt sé að kenna þeim að horfa á rétta staði á andlitinu á fólki.

Andri rotta

fimmtudagur, febrúar 17, 2005

Myndir frá Persónuleikum komnar á Animuvefinn


Geimvera er meðal oss!

Lilja í góðu skapi.

Ahahahaha

Þessi nær alveg tventies-tímabilinu.

Alltaf svo penar.

Andri með fiðrildið fína plottar eitthvað með liðinu sínu.

Frábær mynd af mér [lesist með kaldhæðnislegri röddu]

Áfram, áfram!

Lilja var ekkert sérlega dugleg við gulrótina...

Um að gera að mata hver aðra.

Af hverju er ég nær undantekningarlaust skrýtin á myndum?

Koma svo!

Ný gestabók

Allir að skrifa í gestabókina! Eða viltu vera dóni?

Fellur sálfræði í gildru vísindahyggju?

Ég vitna í bókina "Fashonable nonsense" eftir Sokal og Bricmont: "[Scientism is] the illusion that simplistic but supposedly "objective" or "scientific" methods will allow us to solve very complex problems (other definitions are certainly possible). The difficulty that constantly arises when one succumbs to such illusions is that important parts of reality are forgotten simply because they fail to fit within the framework that was posed a priori."

Math skills evolved independent of language

NOAM CHOMSKY'S theory that the evolution of language provided the portal to all higher thought has taken another knock. A study of people with language difficulties suggests that mathematical skill evolved independently. Sjá nánar í New Scientist.

þriðjudagur, febrúar 15, 2005

mánudagur, febrúar 14, 2005

Já, Andri, þú ert andskoti fyndinn

Ég vitna hér í einn pistil Andra Fannars (sem ég grenjaði af hlátri yfir): "Svo eru kennarar svo fyndnir svona í morgunsárið enda - þegar öllu er á botninn hvolft - hver sér ekki skoplegu hliðina á megindlegum samfelldum breytum sem mælingu á kynþroska þroskaheftra albínó músa sem hafa verið sprautaðar með alfa - 2 - noradrenalín agónistum?"

sunnudagur, febrúar 13, 2005

Myndir frá Persónuleikunum

er að finna hér.

Ég bið stelpuna til vinstri á myndinni afsökunar á tilteknu olnbogaskoti í auga hennar :-/

Við Lilja vorum flottastar (ásamt Siggu, að sjálfsögðu).

Ég bara get ekki annað en verið skotin í MIT

From Molecules To Minds
MIT’s Department of Brain and Cognitive Sciences stands at the nexus of neuroscience, biology and psychology. We combine these disciplines to study specific aspects of the brain and mind including: vision, movement systems, learning and memory, neural and cognitive development, language and reasoning. Working collaboratively, we apply our expertise, tools, and techniques to address and answer both fundamental and universal questions about how the brain and mind work.

miðvikudagur, febrúar 09, 2005

Kostningar

Engin símtöl í ár –vel sloppið ...eða hvað? Þar sem að kosningaáróður er bannaður á kjörstað hafa nokkrir ónefndir Vökuliðar tekið upp á því að kalla hátt og snjallt á mig við hvert tækifæri, á göngum Odda. Fyrir kjallararottu sem síðustu ár hefur búið innan um klóaksrörin, í næsta herbergi við ruslakompu Odda og þróað með sér félagsfælni með vott af áunnum Asperger, veldur þetta óþagindum. Sérstaklega þegar fleiri en ein manneskja gerir þetta í einu (sem eykur líkurnar á að maður reyni að svara báðum og labba í átt til beggja -sem er mjög erfitt þegar það er veggur á milli þeirra)!
Árlega mun ég því taka upp nýtt nafn vikuna fyrir kostningar! Einhverjar hugmyndir?

þriðjudagur, febrúar 08, 2005

Ef fólk vill stela hugmyndum um búninga fyrir Persónuleikana...

þá er hægt að nálgast myndir frá Fáránleikum verkfræðinema hér, hér og hér.

Einnig er hægt að skoða myndir af grímuballi á bloggsíðunni minni.

Kúl? Skrýtið?

Ég er meðhöfundur að skýrslu sem ég vissi ekki einu sinni að væri til. Fann þetta bara á netinu:

Afstaða Íslendinga til umhverfis- og þróunarmála. Meðhöfundar: Einar Mar Þórðarson, Friðrik H. Jónsson og Heiða María Sigurðardóttir. Reykjavík: Félagsvísindastofnun, 2004.

sunnudagur, febrúar 06, 2005

Grímuball

Kjallararottur voru flestar næstum edrú þessa helgi - a.m.k Binni, þannig við þurfum að verðlauna okkur með grímuballi. Ég var að spá hvort við ættum að mæta í búningum í skólann og syngja fyrir kennarana - þeir sem ekki gefa okkur nami fá ljósrit af rassgatinu mínu og magga (geðveik þessi nýja græja - í lit og allt!).

En hvenær ættum við að halda kjallararottugrímuball fólk?

laugardagur, febrúar 05, 2005

Andri Fannar skrifaði ekki þennan póst

... heldur Heiða, en hann er retard, svo ég kann notandanafnið hans og lykilorðið en ekki hann. Pah!

fimmtudagur, febrúar 03, 2005

Fyrir þá sem hafa tekið Perrann, þá er þetta ansi fyndið

The Postmodernism Generator býr til instant póstmóderníska random jargon-texta.

Árni Kristjáns fær góðar þakkir fyrir að benda á þessa snilldarsíðu.
Bara að tékka hvort þetta virkar hjá mér og bjóða sjálfan mig hjartanlega velkominn.
Gefið mér gott klapp!

miðvikudagur, febrúar 02, 2005

Alþýðulistinn: Vofa gengur laus ...

Það eru e-r snillingar í framboði fyrir alþýðulistann. Heimasíðan þeirra er á xy.hi.is og þar má sjá stefnumál þeirra ásamt myndir í félagslífi (sem er ein teiknuð mynd af e-m gaur).

Mér líst best á tvennt hjá þeim:

1) að stækka aðalbygginguna og tengja hana við þjóminjasafnið með vatnsrennubraut
2) að banna öll önnur framboð til stúdentaráðs en á sama tíma auka lýðræði innan háskólans.

Snillingar!

þriðjudagur, febrúar 01, 2005

Jeeiii ég kann að blogga :)

Ég nennti ekki að skrifa mikið ef ég væri að klúðra einhverju, en nú getur munnræpan byrjað!!!!! Soldið skemmtilegt að hið mikilsvirta fyrirtæki IMG Gallup noti svona fínar aðferðir við ráðningu, ég væri alveg til í að skoða þetta nánar og vita hvort þetta sé að virka hjá þeim þó að ég sé soldið efins....
Æ ég nenni ekki að skrifa meira, munnræpan er afturkölluð.

Áhugavert

Hér er tengill sem mér var bent á að skoða í sambandi við Ba verkefnið mitt. Þetta fannst mér ástæða til að læra að blogga :) Vona að þetta virki hjá mér hehe