mánudagur, október 03, 2005

Hvað í fjandanum er málið??????

Orðrétt af Animusíðunni:

Skráning til stuðnings kennurum fjarlægð

Jafnréttisfulltrúi stúdentaráðs skoraði á stjórn Animu að fjarlægja yfirlýsingu við stuðning á kennurum í sálfræðiskor og hætta skráningu vegna hennar. Stjórn Animu tók þá ákvörðun að fjarlægja yfirlýsinguna og skráninguna af síðunni.

Stjórn Animu


Jafnréttisfulltrúi er nota bene Kristín Tómasdóttir sem er með Sigursteini Mássyni í Röskvu. Röskva er klárlega ekki hlutlaus í þessu máli, sjá hér: Er Háskólinn gróðrarstía geðraskana?

--------------

Viðbót, Kristín Tómasdóttir skrifaði:
Þessi aðgerð er ekki á nokkurn hátt ætluð til þess að vega að jafnrétti Heiðu Maríu eða annarra. Jafnréttisfulltrúa bárust ábendingar frá nemendum í sálfræðiskor sem fannst umræðan vera andsnúin þeirra skoðunum. Þeim fannst jafnframt erfitt að skrifa aðra yfirlýsingu og starta þannig kappræðum um viðkvæmt málefni sem myndi ekki enda í neinni niðurstöðu. Það er ekkert nema jákvætt að fólk taki þátt í málefnalegri umræðu og segi sína skoðun, en á Animu síðunni sem á að vera nemendafélag sálfræðinemanna ALLRA fannst mér þessi undirskrifasöfnun ekki eiga heima. Það er heila málið. Á listann gat hver sem er undirritað og ekki víst að hann endurspeglaði nemendur í sálfræðiskor. Ég vill líka taka það fram að það var stjórn Animu sem tók þess ákvörðun í kjölfar ábendinga.
Umræður á kappræðustiginu um þetta mál eiga litlu eftir að skila okkur. Ef einhverjum finnst ástæða til gagnrýni á einstaka þætti í skólastarfinu, má ekki líta á það sem yfirlýsingu um að námið í heild sinni sé slæmt og mæta umræðunni í varnarstellingum.

3 ummæli:

Nafnlaus sagði...

Er þetta sami jafnréttisfulltrúi og vildi draga úr stærðfræðikennslu í verkfræðiskor (og bæta inn fluffi í staðinn) til að gera verkfræðinám aðlaðandi fyrir stelpur?

Heiða María sagði...

Hey, hvað varð um póstinn þinn hér fyrir ofan Andri?

Nafnlaus sagði...

æi, ég held að við ættum bara að láta þetta eiga sig - ég held við gerum ekkert gagn með þessu. Það er stutt í það að maður verði harðorður en það er bara ein hlið sem má það. Sumir eru ákveðnir að blása þetta mál upp, sama hvaða rök eru fyrir því að mikill meirihluti nemenda er ánægður með sálfræðiskor. Þetta er orðin einskonar múgsefjun þar sem það ríkir "neyðarástand" í sálfræðiskor, vegna e-a kvartanna, en það er ekkert tillit tekið til þess að skv kennslukönnunum er mikill meirihluti nemenda ánægðir með kennsluna og rúmlega 50 manns skrifuðu undir yfirlýsingu (sem fékk þó bara að vera mjög stutt) þar sem þeir þökkuðu fyrir námið. Við sem erum ánægð eigum ekki rétt á að tjá það. Málið er að það skiptir ekki máli að það eru boðleiðir fyrir þá sem þykir brotið á sér, að þeir geti lagt mat sitt á námið, eða að 50 manns hringi og lýsi yfir ánægju sinni. "Neyðarástandið" sem ríkir er svo mikið að þeir skorafulltrúar og nemendaráðgjafar sem ég hef rætt við hafa ekki heyrt um það. Það skiptir heldur ekki máli, þeir eru ekki spurðir. Sjáið ekki, að sumir eru búnir að ákveða sig og það skiptir nákvæmlega engu máli hvað við segjum eða gerum á opinberum vettvangi. Best er að rottast hér og taka ekki þátt í þessu.