laugardagur, apríl 23, 2005

Vitlausa ég

Eftir miklar vangaveltur, tilraunir og mistök, hef ég komist að niðurstöðu um hvers vegna í ósköpunum ég næ mér ekki í karlmann. Ég er of heiðarleg!
Já, elskurnar mínar, ég, annáluð “speþial person” gerði enn eitt axarskaftið dag þegar ég lét strák í vinnunni vita af áhuga mínum með því að spyrja beint út hvort hann væri í sambandi (ég er að vísu búin að spjalla við hann nokkrum sinnum, og spjallaði við hann í smá stund áður en ég spurði að þessu, en samt...). Hann er reyndar ekki í vinnunni minni, heldur öryggisvörður, og er alveg rosalega flottur. Hann kom eins og riddarinn á hvíta hestinum í dag og bjargaði mér frá tveimur ótrúlega fullum mönnum sem komu í vinnuna í dag (það er nú einu sinni hans starf) og ég launaði það með þessum hætti (þ.e. þegar hann kom til mín á kassann 25 mínútum síðar). Og til þess að bæta á ástandið, þá sagði ég upphátt, þar sem hann heyrði líklega til mín (hann var bak við vegg að fylgja fullu köllunum út á meðan ég var hinum megin við vegginn), 20 mínútum áður en ég spurði um sambandsástand hans, að mér fyndist hann ótrúlega sætur. Ætlar þessi andsk*%$#& óheppni mín að segja eitthvað vitlaust í kolvitlausum aðstæðum aldrei að taka enda??
Það er sálfræðikenning sem segir til um að ef maður sé hræddur þá er maður þeim mun líklegri til þess að bjóða aðlaðandi manneskju út sem tók þátt í þessum aðstæðum með manni og ég er víst gangandi sönnun þessarar kenningar í dag. Æm só foking speþial!! Ég er að vísu búin að reyna að hætta þessu, og hélt að ég væri hætt þessu, en NEIIII, ég verð að gera þetta einu sinni enn!
Að vísu brosti hann bara og sagði að hann væri í sambandi (*fjúkk* yfir viðbrögðunum) en þegar ég var að segja fólki frá þessu á eftir þá leit það á mig eins og ég væri einhverf og hefði gaman af því að láta slá mér í vegginn. Ég fékk bæði “Vá, hvað þú ert frökk! Ég hefði aldrei þorað þessu!” (frá stelpu) og “Nei, nei, nei, svona gerir maður ekki!” (frá strák). Ég fékk líka “Þá veit hann bara hvar hann hefur þig!” (frá strák).
Ég veit að strákar fíla þetta ekki, að ef maður er svona heiðarlegur, snúa þeir sig úr hálsliðnum á meðan þeir eru að snúa sér við til þess að geta hlaupið í gegnum veggi til þess að forðast mann OG SAMT GERI ÉG ÞETTA!! Ég heyri næstum því viðbrögðin hjá öllum vinum mínum og held að ég lýsi mig sem formlegan hálfvita í samskiptum við karlmenn sem mér finnst sætir. Svo get ég ekki einu sinni þagað yfir þessum hálfvitagangi.
Það þarf ekki að skamma mig fyrir þetta, ég er nú þegar búin að skamma mig svo mikið fyrir þessa hegðun að það þarf enginn annar að gera það. Enda var ég orðin svo pirruð í lok dagsins að ég var farin að telja upp að tíu áður en ég rétti fólki klinkið sitt, bara vegna þess að það spurði um auka poka. Ég held meira að segja að ef einhver hefði ekki haft skírteini þegar ég spurði um það, þá hefði sá sami getað átt von á því að ég hefði öskrað á hann að drulla sér út.
Ég ætla ekki að tíunda hin skiptin sem ég hef gert þetta, en í öll skiptin hef ég endað með sárt ennið og móral sem Milosevich hefði skammast sín fyrir (þ.e. ef hann hefði samvisku).
Nú er ég að velta fyrir mér hvernig atferlisstefnan útskýrir þetta, því þetta er svo sannarlega EKKI styrkt hegðun. Þetta getur ekki verið slokknunartoppur þar sem ég geri þetta ekki oft, og þetta getur ekki heldur verið hegðunarleg stökkbreyting, þar sem ég geri mig vanalega að fífli á sama hátt (þ.e. of heiðarleg). Ég hef sem sagt lært tvennt í dag, annars vegar að láta af þessum ofheiðarleik mínu, og hins vegar að atferlisstefnan getur ekki útskýrt suma hegðun. Húrra fyrir mér, eða þannig!
Lilja - á leiðinni í rauðvínsflöskuna

23 ummæli:

Nafnlaus sagði...

Já atferlisstefnan getur ekki skýrt ýmislegt.

Eins og um daginn, þegar ég áttaði mig á einu, og það tengdist ekki styrkingu eða neinu þannig sko. (Eins og Bandúra sannaði, þá getur maður hermt eftir öðrum sem eru að misþyrma bangsa án þess að vera styrktur fyrir það)

En, ég áttaði mig á þessu, ég fékk svona innsæi eins og aparnir hans Köhlers - ef maður þykist ekki hafa neinn áhuga og er bastardo from hell - þá ganga hlutirnir miklu betur.

Þetta er svona reverse psychology. Þannig ef þú ert hrifinn af gaur næst, og ég tala ekki um ef hann bjargar þér frá áfengissjúklingum í ríkinu, þá ættiru að sofa hjá öllum vinum hans en ekki honum, þá fyrst yrði hann hrifinn af þér.

Lilja sagði...

Hehe, Andri minn, ég veit nú ekki hvort ég ætli að fara að sofa hjá öllum vinum hans, sem ég geri ráð fyrir að séu öryggisverðir líka (a.m.k. einhverjir af þeim) og karlmenn í öryggisbúning eru helvíti flottir. Ég hins vegar hugsa að ég prófi næst að vera kvikindi frá hell, þar sem ég hef tvö nýleg dæmi um að það virkar (Andri og Vaka taki það til sín). En ég er sem sagt búin að sofa úr mér þennan blessaða móral (og rauðvínið) og er komin á þá skoðun að ég þurfi að fara í gegnum massíva hegðunarmótun til þess að forðast framtíðarhegðun í þessum dúr. Spurning hvort þú, Vaka viljir ekki hafa yfirumsjón með kvikindisnámi, þar sem þú ert sérfræðingurinn. You're my hero! ;)
Og Binni, eins gott að þú bættir þessu um alhæfingargildi staðhæfingarinnar um öryggisverði, því ég var komin að því að kommenta (til þess að prófa kvikindisháttinn). :þ

Nafnlaus sagði...

já Lilja mér lýst vel á að þú farir í hegðunarmótun, hjá Andra og Vöku, til að ná þér í karl.....Það gengur nefninlega svo vel hjá þeim....hehe ;) sorry krakkar.... Frontalinn minn er hvort eð er dáinn þannig að ég gat enganveginn staðist mátið, don´t blame me.... blame it on the boogie (já og Álfinn......Það fífl):)

Heiða María sagði...

Vaka sagði: "Eini gallinn er að smávægilegar aukaverkanir fylgja þessu, eins og að vakna ekki við hliðina á gullfallegum manni..."

Já, þú týndir líka Andra á síðasta djammi :-Þ

Nafnlaus sagði...

Hey!

Stælar, ég vil síður að vinkonur minar vakni á óhreinatauinu mínu. Ég vil heldur að það séu aðrar myndarlegar stúlkur - eða þá að ég vakni í hrísgjróna hlandi, einn, bitur og að græjurnar bili í miðju "heaven knows i'm miserable now".

jaðarmarktekt!

Nafnlaus sagði...

Og hver var að segja að það gengi ekki vel hjá okkur vöku? Og þorar ekki einu sinni að skrifa undir nafni.

Ég ætla bara að láta vita að því að ég er búinn að breyta um markmið og skv nýja markmiðinu mínu þá gengur okkur Vöku helvíti vel.

Gamla markmiðið var að verða ástfanginn og hamingjusamur og hætta að drekka.
Ekkert af þessu hefur ræst, þannig þá breytir maður um markmið. Þetta veit ég því ég er að gera lokaverkefni mitt í markmiðssetningu.

Þannig, nýja markmiðið er að verða fullur, alls ekki hamingjusamur (því öllu nema sá hamingjusami leiðist hann) og hegða sér eins og bastardo hálfa vikuna en með samviskubit hin helminginn.

Það er málið fólk - þetta hefur gengið helvíti vel og ég veit ekki betur en að það hafi verið allt í gangi hjá okkur vöku þegar við vorum með þessa styrkingarskilmála!

jaðarmarktekt!

Nafnlaus sagði...

Svo ætla ég að bæta því við að þið megið öll kúka á ykkur - og ég vona að álfurinn skeinir sér á nafnlausa fríkinu.

Ég er miklu ofar í pýramída maslows en þið og þið megið vera hepin að sofa í óhraunatauniu mínu.

Ég er líka alltaf í "peak experience" og hægri höndin mín kemur þar hvergi nálægt. (þeir sem þekkja mig, hugsið...hugsið...hugsið...marktekt!)

Heiða María sagði...

Þetta með fallega karlmanninn var hugsað sem skot á Vöku en ekki þig. Þú verður sjálfur að spyrja hana hvað ég meina með þessu ;-)

Nafnlaus sagði...

Þessar samræður ykkar á milli minna helst á samræður milli unglinga í Harlem eða Chicago-south side....og þetta atferlismótunarbull og hegðunar-tal...ufffff....getur einhver útskýrt í skiljanlegu máli hvað er í gangi?

Naive móðir í Breiðholti

Nafnlaus sagði...

Merci mademoiselle Vaka

Heiða María sagði...

Hvar varstu?

Nafnlaus sagði...

Je va í la France mademoiselle Heida Marie

Lilja sagði...

Bwahahahahahahaha, snilld, Heiða Dóra!! Ég held að við tvær ættum bara að stofna Speþial-single-klúbbinn, venja komur okkar í menntaskóla landsins þar sem ég reyni kenna stelpunum hvernig megi fæla frá sér athygli með of-hreinskilni á meðan þú reynir við strákana. Svo segjum við orð eins og jaðarmarktekt eða hegðunarmótun í annarri hverri setningu til þess að fólk trúi að við höfum rétt fyrir okkur. Svo er víst alltaf best að ná þessum dónum á meðan þeir eru litlir og ala þá rétt upp ásamt því að víkka spönnina sína! ;o)
Lilja

Nafnlaus sagði...

Dr. Heiða Dóra alþýðusálfræðingur hefur komið með ágætis ráð hér - en ef hún myndi skilja að styrkur væri ekki hringskýring, þá myndi hún eflaust átta sig örlítið betur á málunum.

1) "The bastardo thesis" er studd sterkum raunvísum gögnum.
2) Maður setur sér ekki markmið að vera pati - maður er annaðhvort pati eða ekki.
3) Heimspekileg gæludýr eru orsakir þess að það er hrísgrjónahland hjá mér. Ég hef ekkert á móti því að sofa einn, sérstaklega þegar þýðið er ekki þess virði að taka úrtak úr
4) Ef að markhópurinn er 17 ára, þá þarf varla að eiga flottan bíl. Það er nóg að segja e-ð verulega asnalega klisjukennt og þykjast klár - annars er ég ekki sérfræðingur í barnasálfræði, alþýðusálfræðingurinn veit allt um það.
5) Lilja, afhverju í ósköpunum villtu fá þá unga til að ala þá upp? Villtu fá gaura þar sem stærsta markmiðið í lífinu er að fá að vera úti lengur en til tólf, halda að eldamennska sé að panta pizzu án þess að horfa á matseðilin og hanga í miður viturlegum tölvuleikjum alla daga??? Hmmm, svarið hlýtur að vera nei. Þú átt að finna þér gaur sem kann að klæða sig í föt, finnst ekki fyndið að ropa, girðir sig, kann e-ð og veit e-ð og er jafnvel með e-n career.
Og nei, þú varst ekkert of hreinskilinn neitt. Öryggisvörðurinn var með kærestu - ef hann hefði ekki verið með henni - þá hefði e-ð verið í gangi í næsta kaffitíma!

Og að lokum, auðvitað stafar karlmannsleysi Vöku fyrst og fremst af því að hún gerir einhverjar kröfur (t.d að þeir séu komnir með bílpróf)

Lífshamingjan er á næsta leiti - hún heitir Tuborg og verður birt á laugardaginn.

Nafnlaus sagði...

Ég vildi að sjálfsögðu meina STYRKIR en ekki styrkur.

Nafnlaus sagði...

1) Heimspekileg gæludýr gerðu hvortveggja. [Það er til bók eftir taugafræðinginn Damasio sem heitir "Looking for Spinoza: Emotions and the Brain". Þegar ég útskrifast mun ég skrifa bók "I Found Spinoza: Urine and negative emotions."]
2) Það þarf enginn hösltrix til að hösla yngri gaura - ef maður er 17 ára og sefur hjá stelpur sem er eldri en tvítug er maður kominn í guðatölu í vinahópnum. Þannig það þarf engin önnur trix á þann markhóp, nema kannski að vera BARNGÓÐUR.
3) Og Heiða Dóra, þú misskilur meira að segja þróunarsálfræði: Það eru karlar sem vilja yngri stelpur - stelpur eiga að vilja eldri karlmenn sem eru ríkir eða menntaðir (svo segir kenningin)
4) Helduru að klisjukenndar heimskar setningar virki á þær stelpur sem ég er að kenna?? Mér finnst þú gera heldur lítið úr þeim.

Millihópakvaðratssumma!!

Andri

Lilja sagði...

Svona þér að segja, Andri minn, þá held ég að ég sé öllu líklegri til þess að víkka spönnina mína upp á við heldur en niður á við, þar sem bólugrafnir unglingar heilla mig vanalega ekki. Hins vegar hef ég þann hæfileika að eltast við alla aðra en háskólastráka, þannig að mín tilgáta er sú að ef ég næ ungum menntaskólastrák og el hann upp, þá er hann líklegri til þess að
a) fara í háskóla
b) elda fyrir mig (þar sem ég kann það ekki sjálf)
c) klæða sig reglulega í jakkaföt og/eða einhvers konar einkennisbúning, mér til einskærrar ánægju
d) eignast góðan starfsferil
e) fara reglulega í ræktina
vegna þess að ég el hann upp með atferlisgreiningu og hegðunarmótun.
Et voila, eitt stykki draumaprins!
En auðvitað er alltaf sú hætta á því að ég væri kærð fyrir barnamisnotkun og litla sem enga siðferðiskennd.

Nafnlaus sagði...

Og vaka, þú ert bara sjálf tíu ára.

Nafnlaus sagði...

Nohhhh.....enn athyglisvert....

Nafnlaus sagði...

Hér sjáum við mjög mikilvægt lögmál að verki, refsing leiðir af sér refsing til baka, ofbeldi stigmagnast fljótt....Lögmál hegðunar birtast skýrt á skjá Kjallararotta eins og þegar um aðrar rottur ræðir.

Friðsöm móðir í Breiðholti

Heiða María sagði...

Ég hló ógeðslega mikið að þessum myndböndum Heiða Dóra. En hættið þessu nú leikskólakrakkarnir ykkar :-)

Lilja sagði...

Æi, vá, Andri og Heiða Dóra, viljið þið ekki bara fara í leðjuslag út í sandkassa? Ef þið ætlið að nota þennan vettvang til þess að rífast, nennið þið þá að gera það á einhverri síðu þar sem vinir ykkar og skólafélagar sjá það ekki, og halda þar af leiðandi að kjallararottur séu samsafn 10 ára barna? Ef þið viljið ekki gera það fyrir ykkur, gerið það þá fyrir okkur hin sem eru kannski ekki æst í að vita að heimspekileg gæludýr hafa migið í rúmið hans Andra og þar fram eftir götunum.

Nafnlaus sagði...

Audda erum við bara sniffy og veröldin er audda bara stórt skinnerbúr. Þetta lærist smátt og smátt, margir sálfræðingar eru blindir fyrir styrkingarskilmálana því reglustýrð hegðun þeirra er styrkt svo svakalega af jafnblindu fólki sem stríðir við sama vanda. Og eins og einn kollegi minn sagði einu sinni, "er þetta þrjóska? hvað á að kalla það? líklegast bara heimska", hehehehe, dæmi hver fyrir sig. En einu sinni var ég algjör kommi, lífið kenndi mér síðan annað, þ.e. ég fór að sjá styrkingaskilmálana sem gilda í raun....svona fer fyrir fleiri, bíddu bara....