Skilaði ritgerðinni í gær (vei!) og sofnaði svo dauðþreytt fyrir klukkan níu í gærkvöldi. Vaknaði endurnærð klukkan átta í morgun, vafraði aðeins um á netinu og ákvað svo að hitta Guðnýju vinkonu á kaffihúsi. Ætlaði að fara í strætó en var svo heppin að hitta á Magga Blö sem var að sinna erindum í næsta húsi við mig og fékk far. Við fórum á Vegamót í góðu veðri og sátum þar í góðu yfirlæti. Ég fékk mér flott kjúklingasalat og sötraði með eitthvert jömmí hvítvín sem ég ætla að finna við fyrsta tækifæri í ríkinu. Spjölluðum í marga klukkutíma og svo tók við búðarölt þar sem ég keypti mér útskriftarkjólinn. Kvöldinu verður svo eytt með Birni Leví og í nýjum tölvuleik, heheheh.
Sem sagt, ég gerði ekkert merkilegt í dag, og það er alveg æðislegt!
5 ummæli:
Til hamingju með að vera búin að koma ritgerðinni frá þér :) Vúhú!!!
Takk takk :-)
Til lukku Heiða!!
Innilega til hamingju með ritgerðarskilin, dúllan mín. Við sjáumst vonandi á laugardaginn!
Hvaða hvaða... er ekki nógu merkilegt fyrir þig að hitta vinkonu þína á kaffihúsi??? iss piss :D Þetta var ekkert smá notalegt, þurfum að gera þetta aftur fljótlega ;)
Skrifa ummæli